ازاي تقوم بتحليل الجمهور المنافسين Audience Insight

السلام عليكم ورحمه الله وبركاته

بعد ماشرحنا ازاي نقوم بتحليل الجمهور المنافسين Audience Insight
مهم برده قبل ماتعمل الاعلان تكون محدد مدي الاهتمام والتفاعل والفئه المستهدفه صح
وازاى تخلى الحملات الاعلانيه تنجح وتحقق مردود واسع وقوي
اتعلم ازاي تبني حمله اعلانيه صحيحه
شرح مهم جدا للماركتينج
1-لازم تفهم اهميه Audience Insight بااختصار هوا بيخليك تحليل العملاء والاشخاص اللى الاعلان بتاعك عاوزه يوصلهم
طبعا الخطوه دي بتكون قبل الممول لانك بتعملها علشان تخلى الحمله المموله تنجح بشكل واسع
-----
2- طيب عرفت يعني ايه Audience Insight ادخله ازاي علشان اقدر احدد حمله او احدد عملاء استهدفهم فى اعلاني ؟
تغير لغتك الفيس الى الانجليزي
هتروح مدير الاعلانات وتختار Audience Insight
يفتحلك New Audience
فى الصفحه دي هتتعلم ازاي تبني جمهور للممول
------------

3-لازم تفهم ان اهم حاجه هو Activity اللى انا معلم عليها فى الصوره رقم 1

ودي بتحدد مدي التفاعل ولازم تحدد هل انت عاوز الجمهور بتاعك يدوس على الاعلان ولا عاوزه يعمل كومنتات فى كلتا الحالتين انت كده كده عاوز جمهورك يشتري منك منتجاتك فبالتالي سواء يضغط على لينك او يعمل كومنتات فهو فى مصلحتك طب كل البعد لليكات لان ملهاش اى لازمه حاليا

دايما تركز على العموايد اللى ظاهره قدامك واهم حاجتين قدامك هم (Comments-Ads Clicked)

كده فهمنا هنمشي ازاي

--------

4- دلوقتي هنحدد بقا الجمهور شوف مجالك ايه وابحث عنه

على سبيل المثال انا مجالي ماركتينج فهروح على خانه الاهتمامات واختار ماركتينج زي فى الصوره رقم 2

هتلاحظ دايما ان معدل الكومنتات والضغط على اللينكات بيزيد طبعا بتبدء بقا تلعب هنا فى السن والفئه

انا لما اخترت الماركتينج المعدل الضغط على الاعلانات عالي جدا ولكن معدل الكومنتات مش عالي

طيب دلوقتي ايه المعدل الصحيح اللى امشي عليه اقل حاجه يكون المعدل بالنسبه للكومنتات وصل 30 او 35 وبالنسبه ل Ads Clicked ممكن 28 او 30 او 25 ولكن حاول تزود المعدل على قد ماتقدر

طيب دلوقتي بالشكل ده احنا محددين فئه ذكر وانثي طب لو هختار ذكر بس ومن سن معين وليكن من 20 الى 45سنه زي فى الصوره رقم 3

ممكن تلاقي المعدل اقل يبقا انت كده فاهم ان الفئه العمريه دي من الرجال مش مهتمين اوي بالماركتينج بتبدء بقا تحدد وتلعب هنا صح وتركز على المعدلات

--------

5- مش دول بس الادوات اللى من خلالها تقدر توسع مدي نجاحك لا كمان فيه ادوات تانيه زي تحدد اللغه والمكان والعمل والجامعات وكل حاجه يعني بيديلك احصائيات كامله انت بتتحكم فيها وكل لما بتركز صح فى اختيار عملائك كل لما هتلاقي نتيجه ومعدلات اقوي

خلى بالك كثره المحاولات ممكن تديلك حظر لمده 24 ساعه فدايما تخليك مركز فى كل خطوه بتعملها وبتمشيها

-----